Услови за достава, замена и враќање на производи

Со купување на производ од PaoPao вие се согласувате со општите услови за достава, замена и враќање на производи.

Достава

Времето потребно за достава е наведено во секој производ и зависи од опцијата за достава која е достапна кај конкретната продавница и од опцијата која вие ќе ја одберете, односно: брза достава во Скопје, брза достава низ цела Македонија или регуларна достава низ цела Македонија.

Доставата ја врши Еко Логистик и секоја пратка може да ја следите на следниот линк.

Доколку доставата за одредена пратка ја врши компанијата истото е нагласено во производот.

Доколку доставувачот има 3 неуспешни обиди за контакт и достава на корисникот, доставата се означува како неуспешна и производот се враќа во просториите на компанијата. Доколку дојде до ваква ситуација и корисникот побара повторна достава, корисникот е потребно да ги сноси трошоците за двете достави, односно се наплаќа дупла достава

За дополнителни прашања, забелешки или поплаки можете да не контaктирате на [email protected]

Плаќање при испорака

Доколку нарачате производ од PaoPao со начин на плаќање при испорака, производот и  трошоците за доставата ги плаќате при испорака.

Доколку поради било какви причини побарате рефундација, а сте нарачале со плаќање при испорака истото може да биде извршено само на ваша трансакциска сметка односно истото не може да биде извршено во готово. 

Замена на производ

За секој производ постои можност за замена во рок од 15 дена по купувањето на производот доколку од компанијата имаат достапни залихи од истиот. Замената се врши само во случај кога производот е нефункционален, оштетен или доколку e испратен грешен производ. Производот може да биде заменет со нов само доколку не е претходно користен и е уредно спакуван во оригиналното пакување.

Постои можност за замена во случај производот да има соодветен квалитет, но да не му одговара на купувачот во однос на формата, големината, моделот, бојата, бројот, или од други причини, при што трошоците за доставата и евентуалните други трошоци за замената ќе ги сноси Купувачот.

Доколку производот нема соодветен квалитет или му е доставен грешен или оштетен производ на купувачот, истиот може веднаш да се замени при што трошоците за доставата и евентуалните други трошоци за замената ќе ги сноси компанијата од која е нарачан.

Замената се врши при достава на новиот производ.

Враќање на производ

Постои можност за враќање на производот во просториите на компанијата во рок од 15 дена по купувањето. Трошокот за поврат на производите е на сметка на купувачот. Производот може да биде вратен само доколку не е претходно користен и е уредно спакуван во оригиналното пакување. По враќањето на производот корисникот може да добие поврат на средствата со претходно известување на [email protected]. 

Доколку е нарачано со платежна картичка повратот ќе биде извршен во Grouper торбичката на профилот на корисникот или по барање на корисникот на сметката од која е извршено купувањето, а доколку е платено при испорака повратот може да биде извршен на Grouper торбичката на профилот на корисникот или по барање на корисникот може само на трансакциска сметка од корисникот.